மதுரை மீனாட்சி அம்மன் சிலையின் ரகசியம் மற்றும் கோயிலின் வியப்பூட்டும் தனிச்சிறப்புகள்
தமிழ்நாட்டின் பல முக்கிய அடையாளங்களில் ஒன்று மதுரை மீனாட்சி அம்மன் கோயில். கோயில் அமைப்பும், அதன் வரலாறு, சிறப்பம்சங்கள் அனைவரையும் மெய்சிலிர்க்க வைப்பதாக இருக்கிறது. மதுரை அரசாளும் மீனாட்சி அம்மன் சிலையின் மகத்துவம் என்ன என்பதை இங்கு பார்ப்போம்.
மீனாட்சி அம்மன் சிலையின் ரகசியம்
* மீனாட்சி அம்மனின் திருமேனி நிறம் பச்சை என்பதால் திருமேனி சிலை ரூபம் முழுக்க மரகத கல்லால் ஆனது.
*அன்னையின் வலது கால் சற்று முன்னோக்கி இருப்பது போன்று அமைந்துள்ளது. காரணம் பக்தர்களின் அழைப்பிற்கு உடனே ஓடி வந்து அருள்புரியக்கூடியவள்.
*அன்னை தன் வலது கையில் கிளியை ஏந்தி, அது காதில் பேசுவது போன்று அமைந்துள்ளது. ஏனெனில் கிளி தான் பேசுவதை திரும்பத் திரும்ப பேசக்கூடியது. அதனால் பக்தர்களின் வேண்டுதலைத் திரும்ப திரும்ப அன்னையிடம் கூறி, அவர்களின் குறையை விரைவாக நிறைவேற்றும் பொருட்டு கையில் கிளி வைத்துள்ளார்.
சுயம்புவாக தோன்றியதாக மீனாட்சி அம்மன்
* பொதுவாக சிவ ஆலயங்களில் சிவலிங்கம் சுயம்புவாக தோன்றியதாக புராணக்கதைகள் படித்திருப்போம். இந்த ஆலயத்தில் மீனாட்சி அம்மனின் திருவுருவம் சுயம்புவாகும். அதாவது, மதுரையில் அரசாண்ட மீனாட்சி அம்மன் உக்ரபாண்டியனுக்கு முடிசூடிய பின்னர், சொக்கநாதருக்கு அருகில் விக்ரகமாக நின்றுவிட்டார். மீனாட்சி அம்மன் யாகசாலை அக்னியிலிருந்து தோன்றி அவதரித்தாள். இதன் காரணமாக அன்னைக்கு தடாகை அங்கையற்கண்ணி என்று பெயர் வந்தது.
மதுரை மீனாட்சி அம்மன் கோயில் வரலாறு மற்றும் கோயிலின் சிறப்புகள்
* பாண்டிய மகாராஜாவுக்கும், ராணி காஞ்சனமாலைக்கு பிறந்த ஒரே மகள். அதனால் பாண்டிய நாட்டின் அரசியாக திகழ்ந்தார்.
மீனாட்சி அம்மனுக்கு முன்னுரிமை
* மீனாட்சி அம்மன் கோயில் கற்ப கிரகத்தில் இருக்கும் மீனாட்சி அன்னையைப் பார்க்கும் போது உயிர்ப்புடன் இருக்கும் ஒரு பெண்ணைப் பார்ப்பது போன்ற இருக்கும்.
மிக அழகாக காட்சி தரும் அன்னை மீனாட்சியை பார்த்து கொண்டே இருக்க வேண்டும் என்ற எண்ணம் தோன்றும்.
மீனாட்சி அம்மன் கோயிலில் இருந்த போலி சிவலிங்கம்... 48 வருடங்கள் பூஜை செய்யப்படவில்லை ஏன் தெரியுமா?
*பொதுவாக சிவாலயங்களில் சிவலிங்கம் இருக்ககூடிய கருவறை மூலஸ்தானமாகப் பார்க்கப்படும். அதனால் சிவனை வணங்கி பின்னர் தாயாரை வணங்குவது வழக்கம். அங்கு விபூதி பிரசாதமாக வழங்கப்படும். ஆனால் மீனாட்சி அம்மன் ஆலயத்தில் மீனாட்சி அம்மன் இருக்கும் கருவறை முதன்மையாக பார்க்கப்படுகிறது. இங்கு அம்மனை தரிசித்துவிட்டுத் தான், ஈசனை தரிசிக்கப்படுகிறது.
* மீனாட்சி அம்மன் சன்னதியில் தாழம்பூ குங்குமம் பிரசாதமாக வழங்கப்படுகிறது.
64 திருவிளையாடல்கள் நிகழ்ந்த நகரம்
* மீனாட்சி சுந்தரேஸ்வரர் தான் மதுரையை எல்லா காலங்களிலும் ஆட்சி செய்யக்கூடியவள் என்பது சிவவாக்கு.
*ஒவ்வொரு புராண சிறப்பு மிக்க சிவாலயங்களில் எம்பெருமான் திருவிளையாடல்களை நிகழ்த்துவது வழக்கம். ஆனால் இந்த ஆலயத்தில் தான் சிவபெருமான் 64 திருவிளையாடல்களை நிகழ்த்தியுள்ளார். இப்படிப்பட்ட சிறப்பு வேறு எந்த கோயிலிலும் இல்லை.
அனைத்து சிவ ஆலயங்களும் முக்தியைத் தரக்கூடியது. முக்திக்கான வழியைத் தரும். ஆனால் மதுரை மீனாட்சி அம்மன் சுந்தரேஸ்வரர் குடிகொண்டிருக்கும் மதுரைக்கு வந்தாலே முக்தி கிடைக்கும் என்பது நம்பிக்கை.
Also Read: கோயிலை காக்கும், வெல்லம் கலந்த சாத உருண்டையை சாப்பிடும் முதலை! - அதிசய கோயில் இதோ...!
* இந்த ஆலயத்தில் வழிபடுவதால் முக்தி மட்டுமல்ல, அனைத்து செல்வங்களும் கிடைக்கும் என்பது ஐதீகம்.
உலக அதிசயமாக பார்க்கப்படும் கோயில்
* நம்மூரில் உள்ளோர் வட இந்தியாவில் உள்ள காசி, கேதார்நாத் போன்ற ஆலயங்களுக்குச் செல்ல விரும்புவர். ஆனால் வட இந்தியர்கள் பலரின் ஆசையாக, மதுரை மீனாட்சி அம்மனை தரிசிப்பதும், ஆலயத்தை எப்படியும் கண்டுவிட வேண்டும் என்பது தான்.
* தமிழகத்தில் மிக பெரிய விழா நடக்கக்கூடிய ஆலயமாக விளங்குகிறது. இந்த ஆலயம் சைவம், வைணம் சமய ஒற்றுமையை விளக்குவதாக, கொண்டாடுவதாக இருக்கிறது.
* ஒரு வழிபாட்டு ஆலயமாக இருக்கும் மீனாட்சி அம்மன் கோயில் ஒரு உலக அதிசயம் என்றே கூறலாம். அவ்வளவு நேர்த்தியாக கட்டப்பட்டுள்ள கோயில் மற்றும் கலைநயமிக்க சிலைகள், அதன் பின்னணியில் உள்ள புராண நிகழ்வுகள் என சொல்லிக்கொண்டே போகலாம்.
* சிவகங்கையில் உள்ள விஸ்வநாதர் ஆலயத்தில் விசாலாட்சி அம்மனுக்கு நவராத்திரி 4ம் நாள் மீனாட்சி அம்மன் அலங்காரம் செய்யப்படுவது வழக்கமாக உள்ளது.
